உங்கள் அழகை மேலும் மெருகூட்ட எளிய வழிமுறைகள்

June 9, 2019 106 0 0

முகம் எப்போதும் பிரகாசமாக அழகாக இருக்க வேண்டும் என்பதுதான் பெண்களின் முதல் விருப்பமாக இருக்கும். அதற்கு இயற்கை முறையில் சில டிப்ஸ். பச்சைப் பயிறை சலித்து எடுத்து கோதுமை தவிட்டை கலந்து குளித்தால் தோலில் இருக்கும் கரும்புள்ளிகள் மறையும். முகம் பளபளப்பாக இருக்க, குளிர்ந்த நீரில் சிறிதளவு பாலைக் கலந்து அதை பஞ்சில் தொட்டு முகத்தில் பூசி அரைமணிநேரத்திற்கு பின்னர் முகத்தைக் கழுவி விடுங்கள். தினமும் இப்படிச் செய்தால் நாளாடைவில் முகம் பளபளப்பாகவும், மிருதுவாகவும் மாறிவிடும். உலர்ந்த நெல்லி முள்ளியுடன் பயத்தம் பருப்பு சேர்த்து அரைத்து உடலுக்கு பூசிக் குளித்தால் சரும நோய்கள் வராது. மூக்கின் அருகில் கறுப்பு நிறம் இருந்தால் மோரில் நனைத்த பஞ்சால் அதன்மீது தேய்த்து குளிர்ந்த நீரால் கழுவ வேண்டும். இப்படி தொடர்ந்து ஒரு மாதம் செய்தால் கறுப்புத் திட்டு காணாமற் போய்விடும். சந்தனக் கல்லில் ஜாதிக்காய்யை வைத்து அரைத்து இரவில் படுக்கும் முன் கண்ணைச் சுற்றி போட்டுக் கொள்ள வேண்டும், இதனால் நாளடைவில் கருவளையம் மறையும். கண்சோர்வு, அழற்சியினால் ஏற்படும் கருமையை சந்தனம் மற்றும் ஜாதிக்காயில் உள்ள குளுமை மாற்றி கண்ணுக்கு புத்துணர்ச்சியைத் தரும். முகப் பருக்களுக்கும் இது சிறந்த நிவாரணியாகும்.

Categories: womens-tips
share TWEET SHARE