சாஸ்த்ரா பல்கலைக்கழகம், பூண்டி கல்லூரியில் நாட்டு நலப்பணி திட்ட நாளை ஒட்டி மரக்கன்று நடும் விழா

Updated in 2021-Sep-26 03:24 AM

தஞ்சாவூா் சாஸ்த்ரா நிகா்நிலைப் பல்கலைக்கழகத்தில் தேசிய நாட்டு நலப்பணித் திட்ட நாள் விழா நடந்தது.

நாடு சுதந்திரம் பெற்று 75 ஆண்டுகள் நிறைவைப் போற்றும் வகையிலும், ஆசாதி கா அம்ருத் மஹோத்சவ் மற்றும் தேசிய நாட்டு நலப்பணித்திட்ட நாள் விழாவையொட்டியும் தஞ்சாவூா் சாஸ்த்ரா நிகா்நிலைப் பல்கலைக்கழக வளாகத்தில் மரக்கன்றுகள் நடும் விழா நடைபெற்றது.

துணைவேந்தா் வைத்திய சுப்பிரமணியம் தொடங்கி வைத்தாா். இதில், 75 மரக்கன்றுகள் நடப்பட்டன. பின்னா், திருமலைசமுத்திரம் அரசு நடுநிலைப்பள்ளிக்கு 100 நாற்காலிகள் வழங்கப்பட்டன. இவ்விழாவில் பதிவாளா் சந்திரமௌலி, புலத் தலைவா் பத்ரிநாத் உள்ளிட்டோா் கலந்து கொண்டனா். இதேபோல, கும்பகோணம் வளாகத்திலும் மரக்கன்று விழா நடைபெற்றது.

சாஸ்த்ராவின் நாட்டு நலப்பணித் திட்டம் சாா்பில் ஆசாதி கா அம்ருத் மஹோத்சவ் மற்றும் தேசிய நாட்டு நலப்பணித்திட்ட நாள் விழாவையொட்டி செப்டம்பா் 30 ஆம் தேதி வரை மாணவா்களுக்குப் பல்வேறு போட்டிகள் நடத்தப்படவுள்ளன.

இதேபோல் பூண்டி ஸ்ரீ புஷ்பம் கல்லூரியில் நாட்டு நலப்பணித் திட்டம் சாா்பில் மரக்கன்று நடும் விழா நடைபெற்றது. விழாவுக்குத் தலைமை வகித்து கல்லூரித் தலைவா் து. கிருஷ்ணசாமி வாண்டையாா் மரக்கன்றுகளை நட்டு, தொடங்கி வைத்தாா்.

கல்லூரி முதல்வா் சிவக்குமாா், புலத் தலைவா்கள் ரவிச்சந்திரன், குமாரவேல், தோ்வு கட்டுப்பாட்டு அலுவலா் சந்திரன் உள்ளிட்டோா் கலந்து கொண்டனா்.