Advertisement Contact

சூப்பர் சுவையில் எளிமையான முறையில் மோர் ரசம் செய்முறை

Updated in 2020-Mar-18

ரசம் சாப்பிட்டு இருப்பீங்க, மோர் சாப்பிட்டு இருப்பீங்க. ஆனால் இது இரண்டையும் சேர்த்து மோர் ரசம். வீட்டில் செய்து பார்த்து சாப்பிடுங்கள். 

தேவையான பொருட்கள்: புளித்த தயிர் - அரை கப், தண்ணீர் - 2 கப். உப்பு - தேவையான அளவு. தாளிக்க: கடுகு - 1 டீஸ்பூன், சீரகம் - அரை டீஸ்பூன், காய்ந்த மிளகாய் - 1, கறிவேப்பிலை - ஒரு கொத்து, பெருங்காயத்தூள் - ஒரு சிட்டிகை, எண்ணெய் - 2 டீஸ்பூன். 

அரைக்க: வறுக்காத‌ வேர்க்கடலை - ஒரு டேபிள்ஸ்பூன், சின்ன வெங்காயம் (உரித்தது) - 2, பூண்டு - 2 பல், காய்ந்த மிளகாய் - 3, தேங்காய்த்துருவல் - ஒரு டேபிள்ஸ்பூன், மஞ்சள் தூள் - கால் டீஸ்பூன்

செய்முறை: தயிரைக் கடைந்து வைத்துக் கொள்ளுங்கள். அரைக்க வேண்டிய பொருள்களை தேவையான அளவு தண்ணீர் விட்டு, பேஸ்டாக அரைத்துக் கொள்ளுங்கள். இதைத் தயிரில் கலந்து தேவையான அளவு உப்பு மற்றும் தண்ணீர் சேர்த்து நன்கு கடைந்து கொள்ளுங்கள்.

இந்த மோர் ரசம், திக்கான சாம்பார் போல இருக்க வேண்டும். அதற்கேற்ப தயிரில் தண்ணீரை ஊற்றுங்கள். அடுப்பில் கடாயை வைத்து எண்ணெய் ஊற்றித் தாளிக்க வேண்டியதைப் போட்டு தாளித்து தயிரில் சேருங்கள். நீங்கள் சாப்பிடுவதற்கு 1 மணி நேரம் முன்பு இதைச் செய்து வைத்தால், தாளித்தவை எல்லாம் இறங்கி ரசம் சாப்பிட அமிர்தமாக இருக்கும்.