Web Advertisement Contact

சளி, இருமல் பிரச்னையை தீர்க்கும் அரைக் கீரை மிளகு கசாயம்

Updated in 2020-Mar-29 11:23 AM

சளி, இருமல் மற்றும் நுரையீரல் சார்ந்த குறைபாட்டை நீக்க எளிமையான முறையில் வீட்டிலேயே வைக்கும் கசாயம் பற்றி தெரிந்து கொள்ளுங்கள்.

தேவையான பொருட்கள்: அரைக் கீரைத் தண்டு - ஒரு கைப்பிடி, மிளகு -10, மஞ்சள் தூள் - சிறிதளவு.

செய்முறை: முதலில் அரைக் கீரையை ஆய்ந்து கீரையைத் தவிர்த்து தண்டை மட்டும் எடுத்துக் கொள்ளவும். மிளகை பொடி செய்து கொள்ளவும். ஒரு பாத்திரத்தில் அரைக் கீரைத் தண்டை போட்டு அதில் 400 மி.லி அளவு தண்ணீர் ஊற்றி மிளகுத் தூளையும் சேர்த்து கொதிக்க வைக்கவும்.

தண்ணீரை நன்கு கொதிக்க வைத்து பாதியாகச் சுண்ட செய்து அதில் சிறிதளவு மஞ்சள் தூள் சேர்த்து வடிகட்டி இறக்கி வைத்துக் கொள்ளவும்.

பயன்கள்: சளி, இருமல் மற்றும் நுரையீரல் சார்ந்த குறைபாடு உள்ளவர்களுக்கு அருமருந்தாக செயல்படும் கசாயம். பச்சை மிளகாய்க்கு மாற்றாக இஞ்சியையும், வரமிளகாய்க்கு மாற்றாக மிளகையும் பயன்படுத்தவும்.

குறிப்பு: அனைத்து காய்களையும், கீரைகளையும் நீராவியில் வேக வைத்து உணவாக சாப்பிட்டு வரவும். ஆரோக்கியம் அதிகரிக்கும்.