Web Advertisement Contact

சூப்பர் சுவையில் சின்ன உருளைக்கிழங்கு வருவல் செய்முறை

Updated in 2020-May-14 07:35 AM

உருளைக்கிழங்கு வகைகளில் ஒன்றுதான் சிறு உருளைக்கிழங்கு. மற்ற உருளைக்கிழங்கை நறுக்கி பயன்படுத்துவார்கள். இந்த உருளைக்கிழங்கை எந்த ஒரு ரெசிபிக்கும் அப்படியே பயன்படுத்துவார்கள். இது அதன் தனி சிறப்பு. இப்போது, சிறு உருளைக்கிழங்கு வருவல் செய்வது பற்றி தெரிந்து கொள்ளுங்கள்.

தேவையான பொருள்கள்

சின்ன உருளைக் கிழங்கு - 1 கிலோ
வெங்காயம் - 100 கிராம்
மஞ்சள் தூள் - 1/2 தேக்கரண்டி
மிளகாய்த் தூள் - 2 தேக்கரண்டி
மல்லித்தூள் - 3 தேக்கரண்டி
இஞ்சிபூண்டு விழுது - 1 தேக்கரண்டி
எண்ணெய் - தேவைக்கு ஏற்ப
கடுகு, உளுத்தம் பருப்பு - தாளிக்க
கடலைப் பருப்பு - தாளிக்க தேவையான அளவு
உப்பு - தேவையான அளவு
கொத்தமல்லித் தழை, கறிவேப்பிலை சிறிதளவு

செய்முறை: உருளைக் கிழங்கை வேகவைத்து தோலுரித்து கொள்ளவும். ஒரு வாணலியில் எண்ணெய்யை ஊற்றி காய்ந்ததும் கடுகு, உளுத்தம் பருப்பு, கடலைப் பருப்பு, கறிவேப்பிலை, போட்டு தாளித்ததும் அதில் இஞ்சிபூண்டு விழுது, வெங்காயம் இரண்டையும் போட்டு நன்கு வதக்கவும்.

அத்துடன் தக்காளியையும் சேர்த்து நன்கு வதக்கி பின் உருளைக் கிழங்கையும் சேர்த்து நன்கு கிளறவும். அதனுடன் மஞ்சள் தூள், மிளகாய்த் தூள், தனியாத்தூள், உப்பு என எல்லாவற்றையும் சேர்த்து நன்கு கிளறவும். பொன்னிறமாக ஆகும் வரை வதக்கி சிறிது நேரம் கழித்து கொத்தமல்லித் தழை தூவிப் பரிமாறவும். சுவையான சின்ன உருளைக்கிழங்கு வறுவல் தயார்.