பிளஸ்2 தேர்வு ஒத்தி வைப்பு குறித்த அறிவிப்பு இன்று வெளியாகும் என்று எதிர்பார்ப்பு

Updated in 2021-Apr-14 10:07 AM

இன்று அறிவிப்பு வெளியாகும் என்று எதிர்பார்ப்பு... நாடு முழுவதும் கடந்த வருடம் மார்ச் முதல் கொரோனா கோரத் தாண்டவமாடியது. இதையடுத்து கொரோனா அதிகமாக பரவி வந்ததால் ஊரடங்கு அமல்படுத்தப்பட்டது.

இதனால் மக்கள் வீடுகளுக்குள்ளேயே முடங்கிக் கிடக்கும் நிலை ஏற்பட்டது. இதையடுத்து கொரோனா சற்று குறைந்த நிலையில் ஊரடங்கில் தளர்வுகள் கொண்டு வரப்பட்டதால் மீண்டும் இயல்பு வாழ்க்கைக்கு மெல்ல மெல்ல திரும்பி வருகின்றனர். இதற்கு மத்தியில் கொரோனா மீண்டும் வேகமெடுத்து வருகிறது.

மேலும் தடுப்பூசி போடும் பணிகளும் தீவிரப்படுத்தப்பட்டுள்ளது. இந்நிலையில் கொரோனா அதிகரித்து வருவதால் மாணவ-மாணவிகளின் ஆரோக்கியத்தை கருத்தில் கொண்டு சிபிஎஸ்சி தேர்வுகளை மத்திய அரசு ரத்து செய்ய வேண்டும் என்று கோரிக்கை வைத்து வந்தனர்.

இந்நிலையில் நாடு முழுவதும் சிபிஎஸ்இ 10ம் வகுப்பு பொதுத் தேர்வு ரத்து செய்யப்பட்டுள்ளது. ஆனால் 12ம் வகுப்பு பொதுத் தேர்வுகள் ஒத்திவைக்கப்பட்டுள்ளது. இதையடுத்து தமிழகத்தில் கொரோனா அதிகரித்து வருவதால் பிளஸ் 2 தேர்வை ஒத்திவைப்பது தொடர்பாக இன்று முக்கிய அறிவிப்பு வெளியாகவுள்ளது.