ஜார்ஜியாவில் அவ்வபோது பெய்யும் மழையால் விஜய் படப்பிடிப்பு பாதிப்பு

Updated in 2021-Apr-15 02:17 AM

ஜார்ஜியாவில் தற்போது அவ்வபோது பெய்து வரும் மழையால் விஜய் நடித்து வரும் தளபதி 65 படத்தின் படப்பிடிப்பு பாதிக்கப்பட்டுள்ளது என்று தெரிய வந்துள்ளது.

மாஸ்டர் படத்தின் வெற்றியை தொடர்ந்து விஜய் நடிப்பில் தற்போது ‘தளபதி 65’ திரைப்படம் உருவாகி வருகிறது. நெல்சன் இயக்கும் இப்படத்தை சன் பிக்சர்ஸ் நிறுவனம் தயாரித்து வருகிறது. விஜய் ஜோடியாக பூஜா ஹெக்டே இப்படத்தில் நடிக்கிறார்.

இதன் படப்பிடிப்பு சில தினங்களுக்கு முன்பாக ஜார்ஜாவில் தொடங்கியது. விஜய் உள்ளிட்ட படக்குழுவினர் இந்த படப்பிடிப்பில் கலந்துக் கொண்டனர். இந்நிலையில், ஜார்ஜியாவில் தற்போது குளிரான தட்பவெப்பம் மற்றும் அவ்வப்போது பெய்து வரும் மழை காரணமாக படப்பிடிப்பு திட்டமிட்டபடி நடத்த முடியவில்லை. தினமும் ஒரு சில காட்சிகள் மட்டுமே படப்பிடிப்பு நடைபெறுவதாகவும் தகவல்கள் வெளியாகியுள்ளது. 

இதனால் திட்டமிட்டபடி படப்பிடிப்பு நடத்த முடியாததால் படக்குழுவினர் அதிர்ச்சி அடைந்துள்ளதாகவும் கூறப்படுகிறது. இருப்பினும் ஜார்ஜியாவில் படமாக்கப்பட வேண்டிய காட்சிகள் அனைத்தையும் முடித்து விட்டுத்தான் படக்குழுவினர் சென்னை திரும்புவார்கள் என்று எதிர்பார்க்கப்படுகிறது.